Қўшимча функционаллар
-
Тунги кўриниш
Қирғизистонда иқтисод ва молия соҳасида янги раҳбарлар тайинланди

Қирғизистон ҳукумати ҳузуридаги Иқтисодий жиноятларга қарши курашиш давлат хизмати раиси этиб Замирбек Осмонов тайинланди. Бу ҳақда вазирлар маҳкамасининг ахборот сиёсати бўлими маълум қилди.
Маълум қилинишича, Осмоновнинг ушбу лавозимга тайинланиши ҳақидаги тегишли фармойишни мамлакат бош вазири Сооронбай Жээнбеков имзолаган.
"Иқтисодий жиноятларга қарши курашиш давлат хизмати раиси республиканинг иқтисодий хавфсизлиги ва иқтисодий жиноятлар билан курашиш аҳволи учун шахсий жавобгарликка эга бўлади", деб айтган Жээнбеков Осмоновни таништириш вақтида.
Осмонов бундан аввал Қирғизистон Давлат солиқ қўмитасига раҳбарлик қилган.
Шунингдек, Қирғизистоннинг молия разведкаси давлат хизмати раҳбари этиб Ойбек Кадиралиев тайинланди.
Айнан Кадиралиев аввал Иқтисодий жиноятларга қарши курашиш давлат хизматига раҳбарлик қилган.
Мавзуга оид

21:43
Қирғизистонда судланганларга муҳим давлат лавозимларини эгаллаш тақиқланди

19:19 / 28.07.2025
Қирғиз-ўзбек халқаро университетидан 3 мингдан ортиқ талаба четлатилди

09:05 / 25.07.2025
Ўзбекистон фуқаролари туризм мақсадида энг кўп Қирғизистонга борган

08:30 / 22.07.2025