ОАВ Путин ва Трамп учрашуви жойидан хабар топди

Фото: Getty Images

Россия президенти Владимир Путин ва АҚШ етакчиси Дональд Трамп Хельсинкида учрашади. Бу ҳақда Fox News телеканали хабар бермоқда.

«Биз ҳозиргина шуни билдикки, Финляндия пойтахти Хельсинки Трамп ва Путиннинг учрашуви ўтказиладиган жойга айланади», - дейилади хабарда.

Трампнинг ўзи ҳам Финляндия пойтахти саммитга мезбонлик қилиши мумкин эканини айтганди. Шунингдек, унинг таъкидлашича, музокаралар НАТОнинг 11-12 июль кунги саммитидан сўнг бўлиб ўтади.

Шунингдек, Дональд Трамп ва Владимир Путин учрашув якуни бўйича матбуот анжуманида иштирок этиб, журналистлар саволларига жавоб қайтариши маълум бўлди.

Аввалроқ, Трамп Путин билан нима ҳақида гаплашиши маълум қилинганди.

#Дональд Трамп #Владимир Путин #Хельсинки