Жаҳон чемпионатининг мухлислар танлаган рамзий терма жамоасига Роналду киритилди, Месси йўқ

Фото: Reuters

ФИФА мухлислар иштирок этган сўровнома натижаларига кўра, ЖЧ-2018 рамзий терма жамоасини эълон қилди.

Ташкилот сайтида ўтказилган овоз бериш жараёни 15 июлда якунига етди.

Қизиғи шундаки, ундан мусобақани нимчоракфиналда тарк этган Португалия терма жамоаси ҳужумчиси Криштиану Роналду ҳам жой олди. Шу босқичда мусобақа билан хайрлашган Аргентина етакчиси Лионель Месси эса таркибга киролмади.

Рамзий терма жамоа таркиби қуйидагича:

Тибо Куртуа (Бельгия) - Рафаэль Варан (Франция), Тьяго Силва (Бразилия), Диего Годин (Уругвай), Марсело (Бразилия) - Лука Модрич (Хорватия), Филиппе Коутиньо (Бразилия), Кевин Де Брёйне (Бельгия) - Килиан Мбаппе (Франция), Харри Кейн (Англия), Криштиану Роналду (Португалия).

#ФИФА #ЖЧ-2018