ИИВ: фарзандларини жиноятига шерик қилган ота қўлга олинди 

2018 йил 19 ноябрь куни Тошкент шаҳар Учтепа туман ИИБга тушган ҳужжатларга кўра, 2017 йил 13 июнь куни фуқаро С.Ю. бирга яшовчи икки нафар фарзандлари билан Миробод туманида яшовчи фуқаро С.С.га ўзларининг уйида бўлган қандолат цехининг ускуналарини янгисига алмаштиришни ва корхона даромадидан 50 фоиз улуш беришни айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахслар алдов йўли билан ундан кўп миқдордаги АҚШ долларини олиб, ваъдасини бажармай пулларни ўз эҳтиёжлари йўлида ишлатиб юборганлиги маълум қилинган. 

Кўрилган чоралар натижасида ота ва унинг икки нафар фарзанди қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.