Қўшимча функционаллар
-
Тунги кўриниш
Қирғизистонда юқори лавозимдаги амалдорларнинг мамлакатдан чиқиши тақиқланди
Маълум қилинишича, чегара хизмати бўлинмалари 24 сентябрдан кучайтирилган режимда ишламоқда.
Фото: Vladimir Voronin / AP
Қирғизистон давлат чегара хизмати юқори лавозимдаги амалдорларни мамлакатдан чиқармаслик топшириғини олди. Бу ҳақда чегара хизмати вакилига таяниб ТАСС хабар берди.
"Шундай топшириқ берилди ва табиийки, топшириқни бажарамиз", - деди агентлик суҳбатдоши.
Унинг сўзларига кўра, чегара хизмати бўлинмалари 24 сентябрдан кучайтирилган режимда ишламоқда.
"Бу ҳозирда бўлаётган воқеалар билан боғлиқ эмас, парламент сайловлари боис 24 сентябрдан мана шундай тартибга ўтганмиз", - деб таъкидлади у.
Эслатиб ўтамиз, Қирғизистондаги парламент сайловлари натижаларидан норози бўлган намойишчилар 5 октябрь куни кечқурун Бишкекда Оқ уйни ва миллий хавфсизлик қўмитаси биносини қамал қилишди. Бишкек марказидаги асосий майдонда милиция билан бир неча соат давом этган тўқнашувлардан кейин намойишчиларнинг қўли устун келди.
6 октябрь куни сайлов натижалари ҳақиқий эмас деб топилди.
Қирғизистонда ҳукумат алмашинуви
Мавзуга оид
09:05 / 25.07.2025
Ўзбекистон фуқаролари туризм мақсадида энг кўп Қирғизистонга борган
08:30 / 22.07.2025
Қирғизистон Ўзбекистонда кигиз маҳсулотлари ишлаб чиқармоқчи
21:03 / 18.07.2025
Қирғизистонда Тожикистон ва Ўзбекистон билан туташ чегаралар тўғрисидаги шартнома ратификация қилинди
19:04 / 18.07.2025