Қўшимча функционаллар
-
Тунги кўриниш
Исроил янги штамм сабабли дунёда биринчи бўлиб ўз чегараларини ёпди
Исроил коронавируснинг янги штамми “омикрон” сабабли дунёда биринчи бўлиб ўз чегараларини ёпди. Хорижликларнинг Исроилга кириши 2 ҳафтага тақиқлаб қўйилди. Шунингдек, ватанларига қайтадиган исроилликлар карантинда қолишлари керак бўлади.
Фото: Picture Alliance
Бу ҳақда Исроил бош вазири Нафтали Беннет эълон қилди. Ҳукумат 2 ҳафта давомида янги штамм ҳақида кўпроқ маълумот пайдо бўлишига умид қилмоқда. Тақиқлов 29 ноябрдан амал қила бошлайди. Янги штамм билан касалланганлар телефонларни кузатиш технологияси ёрдамида кузатилади.
Айни вақтда мамлакатда омикрон-штамм билан битта касалланиш ҳолати қайд қилинган. Яна 7 киши ушбу штамм билан касалланганликда гумонланмоқда.
ЖССТ 26 ноябрда коронавируснинг янги штаммини грек алифбосининг омикрон (о) ҳарфи билан белгилади. Ушбу штамм “хавотир уйғотувчи штамм” мақомини олди. У билан илк касалланиш ҳолати ЖАРда қайд қилинган ва ҳозирда Европада у билан касалланиш ҳолатлари аниқланмоқда. Кўплаб давлатлар ЖАР ва янги штамм тарқалаётган бошқа давлатлар билан авиаалоқани тўхтатмоқда.
Коронавирус
Мавзуга оид
13:54
Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести
13:55 / 25.04.2025
Очликка рўпара бўлган Ғазо, санкциялардан халос бўлишга уринаётган Сурия ва Россиянинг Қирғизистонга таҳдиди — кун дайжести
20:55 / 24.04.2025
Испания Исроилдан миллионлаб ўқ-дори сотиб олишдан бош тортди
13:30 / 24.04.2025