Қўшимча функционаллар
-
Тунги кўриниш
Самарқандда 15 тонна селитрани ноқонуний олиб кетаётган юк машинаси ушланди
Самарқанд вилояти Ургут туманида жойлашган “Жартепа” чегара божхона постида тегишли ҳужжатлари бўлмаган ҳолда 15 тонна селитра ортилган юк машинаси ушланган. Бу ҳақда Kun.uz’га вилоят божхона бошқармаси ахборот хизмати хабар берди.
Фото: Самарқанд вилояти божхона бошқармаси
Маълум қилинишича, Самарқанд вилояти божхона бошқармаси Контрабандага қарши курашиш ва божхона аудити бўлими ходимлари томонидан Ургут тумани ҳудудида жойлашган “Жартепа” чегара божхона постидан ноқонуний юк ортиб ҳаракатланаётган машина тўхтатиб қолинган.
Дастлабки текширув давомида фуқаро А.Х. бошқарувида бўлган DAF юк машинасида ҳеч қандай тегишли ҳужжатлари бўлмаган жами 34,5 миллион сўмлик, оқ рангли 50 кг ҳажмли қопларда 15 тонна аммиакли селитра борлиги аниқланган.
Қайд этилишича, ҳозирда мазкур ҳолат юзасидан божхона органлари томонидан суриштирув ишлари олиб борилмоқда.
Мавзуга оид
14:28 / 31.07.2025
Тошкентдан Самарқанд ва Андижонга пулли йўллар қурилиши 2026 йилда бошланиши мумкин
21:50 / 30.07.2025
Самарқандда 1 миллиард 200 миллион долларлик 14 та янги лойиҳа шакллантирилди
15:32 / 30.07.2025
“Самарқандда болалар дам оладиган жой йўқ” — Адиз Бобоев янги парклар ташкил этишни буюрди
09:49 / 30.07.2025