Бухорода 13 ёшли ўқувчи қиз фарзандли бўлди. Ҳолат юзасидан жиноят иши очилган

Бухоро вилоятининг Жондор туманида 13 ёшли мактаб ўқувчиси 20 ёшли қариндошидан фарзандли бўлди.

Ҳомиладор ўқувчи қиз 13 декабр куни фарзандли бўлган. Ҳозирда бола соғлом ва шифокорларнинг назорати остида эканлиги айтилмоқда.

Бош прокуратура матбуот котиби Ҳаёт Шамсуддиновнинг маълум қилишича, ҳолат юзасидан 30 ноябр куни Жиноят кодексининг 128-моддаси (16 ёшга тўлмаган шахс билан жинсий алоқа қилиш) билан жиноят иши қўзғатилган ҳамда гумондор шахс терговга жалб қилинган.