Қўшимча функционаллар
-
Тунги кўриниш
Қозоғистонда газ нархи ошишига қарши норозилик намойишлари бўлиб ўтди
Қозоғистон президенти Қосим-Жўмарт Тўқаев республика ҳукуматига «Жанаўзандаги вазиятни зудлик билан кўриб чиқиш» бўйича топшириқ берганини маълум қилди.

Фото: Tengrinews.kz.
Қозоғистоннинг Манғистау областида суюлтирилган газ нархи кескин кўтарилишига қарши норозилик намойишлари бўлиб ўтди, деб хабар берди Tengrinews.
Хабарга кўра, 2 январ куни Жанаўзан шаҳри аҳолиси митинг ўтказган. Автомобилчилар бир литр газ нархи 120 тенгега кўтарилганидан норозилик билдирган ва ҳукуматдан нархни икки бараварга камайтиришни талаб қилган.
3 январ куни Қозоғистон президенти Қосим-Жўмарт Тўқаев республика ҳукуматига «Жанаўзандаги вазиятни зудлик билан кўриб чиқиш» бўйича топшириқ берганини маълум қилди.
Ўз навбатида, вазирлар маҳкамаси Манғистау областидаги ижтимоий-иқтисодий вазиятни кўриб чиқиш бўйича комиссия тузилганини эълон қилди ва газ нархини барқарорлаштириш бўйича чора-тадбирлар амалга оширилишини билдирди.
Манғистау областидаги норозиликлар фонида республиканинг йирик шаҳарларида хавфсизлик чоралари кучайтирилгани айтилмоқда.
«Интерфакс»нинг ёзишича, хусусан, Олмаотада марказий майдон полиция томонидан ўраб олинган.
Мавзуга оид

19:08
Қозоғистон Афғонистонга ёрдам кўрсатишда давом этади – Тўқаев

18:33 / 31.07.2025
Қозоғистондаги иккинчи ва учинчи АЭС Хитой томонидан қурилади

12:53 / 30.07.2025
Тошкент туманида мебел корхонаси 1,1 млрд сўмлик газдан ноқонуний фойдаланди

13:38 / 28.07.2025