Шавкат Мирзиёев Пекинда Хитой ва Покистон етакчилари билан учрашди

Қишки Олимпия ўйинларининг очилиш маросимида иштирок этиш учун Хитой пойтахти Пекинга ташриф буюрган президент Шавкат Мирзиёев хорижий давлатлар раҳбарлари билан учрашувлар ўтказмоқда.

Фото: Президент матбуот хизмати

5 феврал куни президент Шавкат Мирзиёев ва мезбон Хитой Халқ Республикаси раиси Си Жингпин бошчилигида икки мамлакат расмий делегациялари иштирокида музокаралар бўлиб ўтди.

Шу куни, Покистон бош вазири Имрон Хон билан ҳам учрашув ўтказилди.

Расмий учрашувлар бўйича бошқа тафсилотлар ҳозирча маълум эмас.

Олимпиаданинг очилиш маросими доирасидаги умумий тадбирларда Шавкат Мирзиёев Қозоғистон, Қирғизистон, Тожикистон, Миср президентлари ва БМТ бош котиби, шунингдек, яна бир қатор сиёсатчилар билан қисқа мулоқотда бўлди.

#Покистон #Хитой #Имрон Хон #Си Жингпин #Олимпиада-2022 #Шавкат Мирзиёев