Самарқандда юк машинаси кўприкдан пастга тушиб кетди

Тан жароҳати олган юк машинаси ҳайдовчиси шифохонага олиб борилган. Ҳозирда аҳволи яхши экани айтилмоқда.

Фото: ИИБ ахборот хизмати

Самарқанд вилояти ИИБ ахборот хизматининг хабар беришича, 2022 йил 28 июл куни соат 11:40 ларда Самарқанд шаҳрининг Бўстонсарой ва Рўдакий кўчалари кесишган чорраҳада ҳаракатланиб келаётган “ЗИЛ” русумли юк машинаси ҳайдовчиси рул бошқарувини йўқотган.

Оқибатда, машина шу чорраҳадаги кўприкнинг панжарасини бузиб ўтиб, пастга тушиб кетган.

Ҳодиса туфайли тан жароҳати олган юк машинаси ҳайдовчиси шифохонага олиб борилган ва шифокор ёрдами кўрсатилган. Ҳозирда аҳволи яхши.

Қайд этилишича, ҳолат юзасидан терговга қадар текширув ҳаракатлари олиб борилмоқда.

#Самарқанд #юк машинаси