Коллеж ва техникумларга қабул параметрлари тасдиқланди

2022/2023 ўқув йилида коллеж ва техникумларга кундузги, кечки, сиртқи ва дуал таълим шакллари бўйича жами 139 638 та қабул квотаси тасдиқланди.

Фото: Kun.uz

Олий ва ўрта махсус таълим вазирлиги хабарига кўра, шундан 149 та коллеж учун — 59 минг 460 та, 194 та техникум учун — 80 минг 178 та қабул ажратилди.

Бундан олдин касб-ҳунар мактабларига ҳужжатлар қабул муддати 15 августга қадар узайтирилганди.

Ҳужжатлар kasb.edu.uz электрон платформаси орқали қабул қилинади. Платформага: туғилганлик ҳақидаги гувоҳнома ёки ID-карта маълумотлари; 3х4 ҳажмидаги фотосурат киритилади.

#коллеж #техникум