Қўшимча функционаллар
-
Тунги кўриниш
Дунё океанидаги сув ҳарорати рекорд даражага кўтарилди
Апрель ойининг бошидан бери океан юзасининг ўртача ҳарорати 21,1°С даражага етди.
Фото: Alister Doyle/Reuters
Дунё океанининг ҳарорати сунъий йўлдош орқали ўтказилаётган кузатишлар даврида рекорд даражага кўтарилди, деб хабар берди The Guardian. Бу дунё бўйича экстремал об-ҳаво шароитларига олиб келиши мумкин, деб огоҳлантирмоқда олимлар.
Океан ва Атмосфера тадқиқотлари миллий бошқармаси (NОАА) дастлабки маълумотларига кўра, апрель ойининг бошидан бери океан юзасининг ўртача ҳарорати 21,1°С бўлиб, 2016 йилда қайд этилган аввалги максимал 21°С даражадан ошиб кетган. Иқлимшуносларнинг таъкидлашича, океан юзаси ҳароратининг кўтарилиши глобал бўронлар ва музликларнинг эриши хавфини оширади.
Сўнгги уч йил ичида Тинч океанидаги «Ла Нинья» об-ҳаво феномени сув юзаси ҳароратини совуқ ҳолда ушлаб турган эди. Аммо NOAA олими, доктор Майк МакФадден сўзларига кўра, бу давр ниҳоясига етди.
«Океандаги иссиқлик миқдори ортиб бормоқда ва у тобора экстремал об-ҳаво шароитларининг юзага келиши учун хизмат қилмоқда», деди олим.
Мавзуга оид
16:43 / 26.07.2025
Ўрмон ёнғинлари ҳаво исиётгани билан боғлиқми? Уларнинг олдини олиш чоралари мавжудми?
20:03 / 24.07.2025
Ниҳоят: келаётган ҳафтада салқин ҳаво оқими кириб келиши кутилмоқда
11:40 / 24.07.2025
Ўлимлар, иқтисодий йўқотиш ва катта харажатлар – аномал об-ҳаво Марказий Осиёга жиддий хавф солмоқда
10:04 / 23.07.2025