Қўшимча функционаллар
-
Тунги кўриниш
Самарқанд вилоятида 4 та тарихий объектга 9 млрд сўмлик зарар етказилгани аниқланди
Ургут туманидаги «Тўлқиртепа-1» археология ёдгорлигининг бир қисми махсус техникада ковлаб олинган, қолганлари эса қисман бузилган. Ҳолатлар юзасидан жиноий иш қўзғатилган.
Иллюстратив фото
Самарқанд вилоятининг Ургут туманидаги «Тўлқиртепа-1» археология ёдгорлигига катта миқдорда зарар етказилгани маълум бўлди.
Бош прокуратура матбуот хизмати хабар беришича, туманнинг Мингтепа маҳалласида жойлашган «Тўлқиртепа-1» археология ёдгорлигининг 163 метр куб ҳажмдаги ер майдони махсус техника ёрдамида ковлаб олинган. Бунинг оқибатида тарихий объектга 4 млрд сўмлик зарар етказилгани аниқланган.
Шунингдек, туманнинг Қуйиқишлоқ маҳалласида жойлашган ўрта асрларга оид «Тешиктепа», Деҳқонобод маҳалласидаги «Қулқишлоқтепа-2» ва Огаҳий маҳалласидаги «Мозортепа» археология объектлари қисман бузилиши оқибатида жами 5 млрд сўм зарар етказилган.
Текширишлар натижасига кўра жиноят ишлари қўзғатилиб, ҳозирда тергов ҳаракатлари олиб борилмоқда.
Бош прокуратуранинг эслатишича, мазкур жиноий ишлар қонунчиликка асосан оғир жиноят ҳисобланиб, айбдор шахсларга нисбатан 7 йилгача озодликдан маҳрум қилиш жазоси қўлланиши мумкин.
Олдинроқ Бухорода 5 та тарихий ёдгорликка қарийб 300 млрд сўмлик зарар етказилгани аниқланганди.
Мавзуга оид
23:22 / 25.04.2025
Самарқандда ўқувчига ташланиб, унга тазйиқ ўтказган ўқитувчи ишдан олинди
11:58 / 25.04.2025
“Эфирда узилиш ва қотиш бўлган” – Самарқанд ва Андижондаги аттестация жараёнлари юзасидан муносабат билдирилди
11:17 / 25.04.2025
Самарқандда пиёдалар йўлакчасидаги ҳодиса оқибатида бир киши вафот этган
10:29 / 25.04.2025