ҚҚБ Бизнесни ривожлантириш банкига айлантирилди
Банк ҳузурида Кичик бизнесни ривожлантириш жамғармаси ва кичик бизнесга кўмаклашиш марказлари ташкил этилади.

Фото: Қишлоқ қурилиш банк ахборот хизмати
Президент Шавкат Мирзиёев тадбиркорлар билан 2023 йилги очиқ мулоқотида белгиланган вазифаларни амалга ошириш бўйича қарор имзолади.
Унга кўра, “Қишлоқ қурилиш банк” АТБ негизида “Бизнесни ривожлантириш банки” АТБ ташкил этилди.
Унинг фаолияти устувор равишда кичик бизнес субъектларининг лойиҳаларини молиялаштириш ва уларга комплекс хизматлар кўрсатишга йўналтирилади.
Бизнесни ривожлантириш банки ҳузурида қуйидагилар ташкил этилади:
- халқаро молия институтларининг маблағлари, хусусий инвестицияларни жалб қилиш орқали истиқболли кичик бизнес лойиҳаларини амалга оширадиган “Кичик бизнесни ривожлантириш жамғармаси” МЧЖ;
- кичик тадбиркорлик субъектларига бизнес лойиҳаларини ишлаб чиқиш, молиялаштириш ва ишга туширишга кўмаклашиш, уларга консалтинг хизматларини кўрсатишга масъул бўлган Қорақалпоғистон Республикаси, вилоятлар ва Тошкент шаҳрида 14 та кичик бизнесга кўмаклашиш марказлари.
Бундан ташқари, Бизнесни ривожлантириш банки томонидан ваколатли банклар билан биргаликда кичик бизнес лойиҳалари учун қулай шартларда 7 йилгача бўлган муддатларда кредитлар ажратилади.
Шунингдек, ижобий кредит ва солиқ тарихига эга ҳамда кичик бизнесга кўмаклашиш марказлари ёрдамида лойиҳаларини амалга ошираётган тадбиркорлик субъектларининг фаолиятини кенгайтириш учун кредитлар ажратишда уларга гаров талаби 50 фоизга камайтирилади.
Маълумот учун, президент тадбиркорлар билан учрашувда Бизнесни ривожлантириш банкининг фаолияти, ишлаш услуби ва молиялаштириш механизмлари янгича бўлиши, банк кичик бизнесга кўмаклашишини айтганди
Тавсия этамиз
Ҳиндистон ва Покистон: кимнинг армияси кучлироқ?
Жаҳон | 19:21 / 09.05.2025
Мафкуралар кураши: 9 май аслида қандай кун?
Ўзбекистон | 14:22 / 09.05.2025
Қатиқ, мураббо ва ядро қуроли. Путин янги филмда нималар деди?
Жаҳон | 21:59 / 06.05.2025
Автомобил импортига экосертификат – утилизацияга қўшимча “бонус”ми?
Ўзбекистон | 20:34 / 06.05.2025
Сўнгги янгиликлар
-
Тошкентда электр тармоқлар корхонасининг икки ходими 10 минг доллар билан қўлга тушди
Ўзбекистон | 19:47
-
Хоразмда уч қаватли савдо дўконида ёнғин чиқди
Ўзбекистон | 19:32
-
Эрдўған Туркия Россия ва Украина музокараларини қабул қилишга тайёр эканини айтди
Жаҳон | 19:29
-
Германия канцлери Украинага етказиладиган қурол-яроғларга оид маълумотларни махфийлаштирди
Жаҳон | 18:41
Мавзуга оид

16:59 / 23.04.2025
"Бизнесни ривожлантириш банки" Менинг бизнесим” ва “Менинг буюртмам” иловалари тақдимотини ўтказди

17:00 / 15.04.2025
“Бизнесни ривожлантириш банки”да 174 та жараённинг 104 таси тўлиқ рақамлаштирилган

17:00 / 08.04.2025
“Бизнесни ривожлантириш банки” Европа молия институтлари билан фаол ҳамкорлик қилмоқда

11:00 / 20.03.2025