Қўшимча функционаллар
-
Тунги кўриниш
Озарбойжон хавфсизлик кучлари Тоғли Қорабоғ армиясининг собиқ қўмондонини қўлга олди
Левон Мнацаканян Арманистонга ўтишга уринганида Озарбойжон расмийлари томонидан ушланди.
Фото: 1news.az
Озарбойжон хавфсизлик кучлари Тоғли Қорабоғ армиясининг собиқ қўмондони Левон Мнацаканянни Лочин йўлагидаги назорат-ўтказиш пунктида қўлга олди. Бу ҳақда генералга яқин манбага таяниб, ТАСС хабар берди.
Мнацаканян 2015—2018 йилларда Тоғли Қорабоғ мудофаа вазири бўлган ва тан олинмаган республика қуролли кучларига қўмондонлик қилган.
27 сентябр куни Тоғли Қорабоғ ҳукуматининг собиқ раҳбари Рубен Варданян Арманистонга ўтаётганида Озарбойжон ҳарбийлари томонидан қўлга олинган эди. Кейинчалик маълум бўлишича, у Озарбойжон ҳукумати томонидан ҳибсга олинган ва «терроризмни молиялаштиришда» айбланган.
Аввалроқ, Тоғли Қорабоғнинг сайланган президенти Самвел Шахраманян маслаҳатчиси Давид Бабаян ўз хоҳиши билан «тегишли тергов учун» Бокуга боришга қарор қилгани ҳақида хабар берилган эди.
28 сентябр куни Тоғли Қорабоғ раҳбари Тоғли Қорабоғ Республикасини тугатиш тўғрисидаги фармонни имзолади. 29 сентябр ҳолатига ҳудудни 100 мингга яқин аҳоли тарк этиб, Арманистонга йўл олгани ҳақида хабар берилди.
Арманларнинг Қорабоғдан кўчиши
Мавзуга оид
21:14 / 26.07.2025
Озарбойжон Россиядан AZAL самолёти ҳалокати учун жавобгарликни тан олишни талаб қилди
09:54 / 23.07.2025
Ереван Боку билан ЕХҲТ Минск гуруҳини тарқатиб юбориш шартини муҳокама қилмоқда
15:45 / 22.07.2025
Алиевнинг гаплари: Боку – Москва низоси янги босқичдами?
14:51 / 22.07.2025