Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 16:37 / 30.11.2023
    14031
    5 дақиқада ўқилади

    Украинлар машғулотига келган швед маликаси ва Купянск атрофидаги позициялар. Уруш суратлари

    Украинадаги урушнинг 644-куни ўтди. Асосий маълумотлар: 

    • РФ мудофаа вазирлиги Россия қўшини Бахмут яқинидаги Артемовскни (россиялик ҳарбийлар Хромовони шундай атайди) эгаллагани ҳақида хабар берди. 24 ноябр куни Ютуб лақабли украиналик ҳарбийлардан бири Бахмут йўналишидаги вазиятни тасвирларкан, украин кучлари Хромовони назорат қилмаётгани ҳақида гапирганди.
    • Украина армияси илк Leopard 1A5 танкидан айрилди.
    • Украинада генерал-майор Владимир Завадский ҳалок бўлди. Бу РФ қўшинларининг кенг кўламли уруш бошланганидан буён йўқотган еттинчи генералидир. РФ мудофаа вазирлиги ҳозирча Завадскийнинг ўлимини тасдиқламади.
    • Путин АҚШдаги президентлик сайловлари якунига қадар ҳарбий ҳаракатларни тўхтатмоқчи эмас, деб ҳисобламоқда Давлат департаментидагилар.
    • The Economist манбаси Зеленский ва Залужний ўртасидаги муносабатларни «қўрқинчли» деб атади. Украина президенти офисидагилар бўлинишни рад этмоқда.
    • Аннексия қилинган Донецк маъмурияти сайтида Адам Қодировга шаҳарнинг фахрий фуқароси мақоми берилгани тўғрисида хабар жойлаштирилди. Мэр Алексей Кулемзин сайт бузиб кирилганини айтди.
    • Украина суди Қримдан Федерация Кенгашига аъзо бўлган Олга Ковитидини сиртдан 11 йил муддатга озодликдан маҳрум этди.

    Швед қироллик оиласи аъзолари украин аскарлари машғулотида

    Швеция валиаҳд маликаси Виктория ва шаҳзода Даниэл Шарқий Англиядаги STANTA ўқув лагеридаги ҳарбий базада. Бу ерда швед ҳарбийлари Буюк Британия раҳбарлигидаги «Interflex» операцияси доирасида украиналик аскарларни тайёрламоқда
    Alastair Grant / Reuters / Scanpix / LETA
    Украиналик ҳарбийлар Шарқий Англиядаги машғулот чоғида
    Alastair Grant / Reuters / Scanpix / LETA
    Валиаҳд малика Виктория Бош штаб бошлиғи, генерал Патрик Сандерс билан гаплашмоқда
    Alastair Grant / Reuters / Scanpix / LETA

    Запорижжя областидаги жангда ҳалок бўлган украиналик собиқ сиёсий маҳбуснинг дафн маросими

    Украиналик ҳарбийлар Сергей Павличенконинг Киевдаги монастирда ўтказилган дафн маросимида. Павличенко — украиналик активист, Янукович давридаги собиқ сиёсий маҳбус. У 78-десант-штурм полкида хизмат қилган ва 18 ноябр куни Запорижжя области Вербове қишлоғи учун жангда ҳалок бўлган
    Andriy Zhyhaylo / Obozrevatel / Global Images Ukraine / Getty Images
    Қариндошлари ва яқинлари украиналик ҳарбий Сергей Павличенконинг тобути устида
    Roman Pilipey / AFP / Scanpix / LETA
    Сергей Павличенконинг тобутини кўтариб кетаётган аскарлар
    Roman Pilipey / AFP / Scanpix / LETA
    Сергей Павличенконинг жаноза маросими вақтида
    Roman Pilipey / AFP / Scanpix / LETA

    Украина ҚКнинг Купянск яқинидаги позициялари

    Купянск шаҳри атрофидаги хандақда ўтирган украин аскарлари. Харкив областидаги бу шаҳар 2022 йил 27 февралида Россия қўшини томонидан оккупация қилинган, УҚК уни 2022 йил сентябридаги қарши ҳужумда озод этганди
    Ozge Elif Kizil / Anadolu / ddp / Vida Press
    Ozge Elif Kizil / Anadolu / ddp / Vida Press
    Жанговар позицияга кетаётганда йўлда тиқилиб қолган автомобилни шатакка олишга уринаётган украин аскарлари
    Diego Herrera Carcedo / Anadolu / ddp / Vida Press
    Diego Herrera Carcedo / Anadolu / ddp / Vida Press
    Diego Herrera Carcedo / Anadolu / ddp / Vida Press

     Мелитопол аҳолиси вакили Россия судида

    Украина фуқароси Артур Нестеренко Ростове-Дон судида. Уни ва Мелитополдан бўлган яна бир киши Роман Зарубаевни икки теракт тайёрлашда айблашган. Тергов версиясига кўра, айбланувчилар Украина мудофаа вазирлиги бош разведка бошқармаси кўрсатмаси билан Запорижжя областининг Россия таркибига кириши масаласи бўйича овоз бериш участкасига бомба ўрнатган. Шунингдек, терговчиларга кўра, улар сайлов комиссияси аъзоси уйини портлатиб юборишга уринган. Нестеренко ва Зарубаев айбига иқрор бўлган. Украина нашрлари хабар қилишича, 2022 йил октябрида оила аъзолари улар йўқолиб қолгани ҳақида эълон берганди. Бир ҳафта ўтиб Россия нашрлари айбланувчилар тайёрлагани айтилган терактлар ҳақида ёза бошлайди.
    Сергей Пивоваров / Спутник / imago images / Scanpix / LETA
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    20:22 / 02.05.2025

    ТИВ: Ўзбекистон фуқароларининг Украинадаги урушда қатнашаётганига оид маълумотлар текширилмоқда

    19:38 / 02.05.2025

    «Москвага аниқ сигнал». Ресурслар бўйича келишув АҚШнинг Украинадаги уруш бўйича риторикасини қандай ўзгартирди?

    17:50 / 02.05.2025

    Украинада 11 кишини ўлдирган Ўзбекистон фуқароси умрбодга қамалди

    17:49 / 02.05.2025

    Россиянинг Украинадаги мақсадлари ўзгарди – CNN