Қўшимча функционаллар
-
Тунги кўриниш
Кувайт Ўзбекистоннинг чекка қишлоқларида режалаштирилган лойиҳаларда иштирок этмоқчи
Кувайтда Ўзбекистоннинг иқтисодий, сармоявий ва сайёҳлик салоҳиятига бағишланган тақдимотлар ўтказилди.
Мамлакат элчихонаси томонидан кувайтлик ишбилармон доира вакиллари учун Ўзбекистоннинг сармоявий, экспорт ва сайёҳлик салоҳиятига бағишланган тақдимотлар ўтказилди, деб хабар бермоқда "Дунё".
Тақдимотлар доирасида мамлакатда амалга оширилаётган ислоҳотлар, иқтисодиётни либераллаштириш ва ташқи савдони ривожлантириш, хорижий инвесторлар учун яратилган бизнес имкониятлари ҳақида маълумотлар берилди. Тадбир иштирокчиларига шу йилнинг 2-3 май кунлари III Тошкент халқаро инвестиция форуми бўлиб ўтиши маълум қилинди.
Кувайтлик ишбилармонлар Ўзбекистоннинг ўзига хос таъми ва сифати юқори бўлган мева-сабзавот ва қуритилган меваларни импорт қилишга қизиқиш билдирди.
Шунингдек, улар Ўзбекистоннинг чекка туманлари ва қишлоқларида ҳам амалга оширилиши режалаштирилган тиббиёт ва таълим соҳасидаги лойиҳаларда иштирок этишдан манфаатдор эканлигини билдирди.
Мавзуга оид
08:32 / 11.07.2025
Уммон, Кувайт, Баҳрайн ва Қатарда "Ўзбекистон – Ипак йўли дурдонаси" форуми бўлиб ўтди
15:15 / 10.06.2025
Кувайт Сирдарёда тиббиёт йўналишида лойиҳани амалга оширади
15:01 / 28.05.2025
Таниқли журналист ва блогер Ўзбекистоннинг Кувайтдаги туризм элчиси этиб тайинланди
10:12 / 20.05.2025