Қўшимча функционаллар
-
Тунги кўриниш
Москва вилоятидаги концерт залида номаълум шахслар одамларни ўққа тутди
Ўнлаб қурбонлар борлиги айтилмоқда, концерт залида ёнғин бошланган.
Россиянинг Москва вилояти, Красногорск шаҳридаги «Крокус Сити Ҳолл» концерт залида отишма юз берди. Маҳаллий ОАВ хабарларига кўра, номаълум шахслар автомат милтиқдан одамларга қарата ўқ узган.
Дастлабки маълумотларга кўра, ўнлаб қурбонлар бор. Воқеа «Пикник» гуруҳининг концерти бошланишидан олдин содир бўлган.
Воқеаларнинг дастлабки сониялари акс этган видеолавҳада қуролланган икки киши кўринади. Бироқ, уларнинг сони камида беш нафар экани айтилмоқда.
Қайд этилишича, концерт зали биносида ёнғин бошланган. Бунга портлаш сабаб бўлгани айтилмоқда. Бино томининг бир қисми қулаб тушган.
Москва вилояти губернатори Андрей Воробёв воқеа жойига етиб борган. «Мен воқеа жойидаман. Оператив штаб тузилди. Барча тафсилотлар кейинроқ», деб ёзди у ижтимоий тармоқда.
Москва вилоятининг ҳуқуқ-тартибот идоралари, махсус кучлари «тревога» билан оёққа турғизилган.
Москвадаги теракт
Мавзуга оид
20:30 / 27.07.2025
Макрон Россияга нисбатан босимни кучайтиришга ваъда берди
09:02 / 27.07.2025
“Янги лойиҳаларда Эрон ва Россиянинг иштироки камайиб, туркийларнинг аҳамияти ортиб боряпти” – сиёсатшунос
21:19 / 26.07.2025
Россиянинг ягона авиаташувчиси «Адмирал Кузнецов» консервация қилинади
21:14 / 26.07.2025