Ҳиндистондан Ўзбекистонга биринчи контейнер поезди юборилди
Поезд Эроннинг Бандар Аббос портидан жўнаб кетди ва Туркманистоннинг Сараҳс чегара пункти орқали Тошкентга йўл олди.

Фото: Turkmenportal
Туркманистоннинг транспорт-логистика маркази (TULM) Ҳиндистондан Ўзбекистонга биринчи контейнер поездини жўнатиш жараёнида иштирок этди. Бу ҳақда Turkmenportal хабар берди.
Қайд қилинишича, керамика плиталар юкланган 20 та TEU контейнеридан иборат поезд Эроннинг Бандар Аббос портидан жўнаб кетган ва Туркманистоннинг Сараҳс чегара пункти орқали Тошкентга йўл олган.
Таъкидланишича, ушбу тадбир олдидан 2023 йил 22 декабр куни Истанбул шаҳрида «Ўзбекистон темирйўллари» АЖ ва «Туркманистон темирйўллари» агентлиги вакилларининг икки томонлама учрашуви бўлиб ўтди. Унда контейнер поездларининг Туркманистон ҳудуди орқали ўтишини тезлаштириш, шунингдек, ташиш учун махсус тариф ставкаларини қўллаш масалалари муҳокама қилинди.
Томонлар, шунингдек, «Ўзбекистон – Туркманистон – учинчи давлатлар» коридори бўйлаб юк ташишни ташкил этиш учун ҳар бир давлатда масъул логистика компанияларини тайинлашга келишиб олган эди.
Мавзуга оид

13:32 / 25.04.2025
Apple АҚШ бозори учун iPhone ишлаб чиқаришни Ҳиндистонга кўчирмоқчи

11:19 / 25.04.2025
Покистон ва Ҳиндистон ҳарбийлари чегарада тўқнашди

22:02 / 24.04.2025
Ҳиндистон Покистонни сайёҳлар ўлимида айблаб, уни сувсиз қолдириш билан таҳдид қилмоқда. Уруш бошланиши мумкинми?

18:14 / 24.04.2025