Шомуродов МЛС клубига ўтиши мумкин. Музокаралар бошланди — Романо

Италиялик журналист Фабрицио Романога кўра, Элдор Шомуродов фаолиятини МЛСда давом эттириши мумкин.

Фото: ЎФА

АҚШнинг “Атланта Юнайтед» клуби ўзбекистонлик ҳужумчи Элдор Шомуродовнинг трансфери борасида “Рома” билан музокараларни бошлади. Бу ҳақда хабар берган италиялик журналист Фабрицио Романога кўра, музокаралар “яхши давом этмоқда”.

Аввалроқ, Рим клуби янги мавсумда ҳам Шомуродовни ижарага бермоқчи экани ҳақида хабар қилинганди.

29 ёшли футболчи ўтган мавсумни “Каляри”да ижарада ўтказиб, А Серияда 22 та ўйинда 3 та гол урган.

Маълумот учун, “Атланта Юнайтед” МЛС Шарқий конференциясида 25 ўйинда 28 очко тўплаб, 9-ўринда бормоқда. Жамоа аввалроқ “Аталанта”дан яримҳимоячи Алексей Миранчукни сотиб олганди.

#Элдор Шомуродов #Атланта Юнайтед