Қўшимча функционаллар
-
Тунги кўриниш
Ўзбекистон ва Кувайт ҳукуматлари ўртасида йирик лойиҳалар амалга оширилиши мумкин
ТИВда Ўзбекистон ташқи ишлар вазирининг маслаҳатчиси Мунира Аминова ва Кувайт Ташқи ишлар вазирлигининг иқтисодий масалалар бўйича маслаҳатчиси Аҳмед ал-Илаж ўртасида учрашув бўлиб ўтди.
Фото: Дунё
15-21 октябр кунлари Кувайт ишбилармон доиралари вакилларидан иборат делегация Ўзбекистонда бўлиб турибди.
Суҳбат чоғида Кувайт томони Ўзбекистон ташқи ишлар вазири бошчилигидаги делегациянинг 12-14 август кунлари Кувайтга ташрифи якунларини юқори баҳолади ва музокаралар чоғида эришилган келишувларни амалга ошириш учун барча саъй-ҳаракатларни сафарбар этишга тайёрлигини таъкидлади.
Ўзбекистон ва Кувайт ўртасидаги савдо-иқтисодий алоқалар жадал ривожланаётгани алоҳида қайд этилди. Пойтахтда кувайтлик тадбиркорлар делегацияси иштирокида бизнес-форум муваффақиятли ўтказилди. Улар ҳамкорликда янги ўсиш нуқталарини топишга тайёр эканликларини билдирдилар.
Шунингдек, кувайтлик инвесторларни Ўзбекистон иқтисодиётига фаол жалб этиш мақсадида икки давлат ҳукуматлари ўртасида йирик лойиҳаларни амалга ошириш зарурлиги таъкидланди.
Мавзуга оид
08:32 / 11.07.2025
Уммон, Кувайт, Баҳрайн ва Қатарда "Ўзбекистон – Ипак йўли дурдонаси" форуми бўлиб ўтди
15:15 / 10.06.2025
Кувайт Сирдарёда тиббиёт йўналишида лойиҳани амалга оширади
15:01 / 28.05.2025
Таниқли журналист ва блогер Ўзбекистоннинг Кувайтдаги туризм элчиси этиб тайинланди
10:12 / 20.05.2025