Қўшимча функционаллар
-
Тунги кўриниш
Самарқандда савдо дўкони ёниб кетди
Ёнғин оқибатида савдо дўконининг шифт, том қисми ва кийим-кечак маҳсулотлари ёниб зарарланган.
Самарқанд туманида жойлашган савдо дўконида ёнғин содир бўлган. Бу ҳақда вилоят Фавқулодда вазиятлар бошқармаси хабар бермоқда.
Маълум қилинишича, бугун, 29 октябр куни соат 9:04 да Самарқанд тумани Хўжа Аҳрор Валий маҳалласи Ғалаба кўчасида жойлашган савдо дўконларидан бирида ёнғин содир бўлгани тўғрисида вилоят ФВБга хабар берилган.
Шунга кўра, 3 та ёнғин-қутқарув экипажи воқеа жойига соат 09:11 да етиб бориб, соат 09:40 да ёнғин тўлиқ бартараф этилган.
Ҳодисада ҳеч ким жабрланмаган ва ҳалок бўлмаган. Фақат савдо дўконининг шифт, том қисми ва кийим-кечак махсулотлари ёниб зарарланган.
Қайд этилишича, ҳозирда терговга қадар текшириш ҳаракатлари олиб борилиб, ёнғиннинг келиб чиқиш сабаблари аниқланмоқда.
Мавзуга оид
11:58
“Эфирда узилиш ва қотиш бўлган” – Самарқанд ва Андижондаги аттестация жараёнлари юзасидан муносабат билдирилди
11:17
Самарқандда пиёдалар йўлакчасидаги ҳодиса оқибатида бир киши вафот этган
10:29
Самарқандда Lacetti пиёдалар йўлакчасидан ўтаётган ўнга яқин кишини уриб кетди
18:55 / 24.04.2025