Ўзбекистон оғир атлетика бўйича жаҳон чемпионатида тўртинчи бўлди

Миллий жамоа оғир атлетикачилари 6 та медални қўлга киритди.

Фото: DBM/Deepbluemedia

Баҳрайн пойтахти Манама шаҳрида оғир атлетика бўйича жаҳон чемпионати якунланди.

Ўзбекистон терма жамоаси 3 та олтин, 1 та кумуш ҳамда 2 та бронза, жами 6 та медал билан 70 га яқин мамлакат миллий терма жамоалари орасида тўртинчи ўринни эгаллади.

Жаҳон чемпионатида -89 кг вазнда Сарварбек Зафаржонов даст кўтаришда бронза медалга, -81 кг вазнда Муҳаммадқодир Тоштемиров даст кўтаришда бронза ва икки курашда кумуш медалга, -109 кг вазнда Руслан Нурудинов силтаб кўтариш ва икки курашда, Шарофиддин Амриддинов даст кўтаришда олтин медалга сазовор бўлди.

Умумжамоа ҳисобида КХДР вакиллари тенгсиз бўлди: 45 медал (26 олтин, 13 кумуш, 6 бронза). Хитой 31 медал (14 олтин, 8 кумуш, 9 бронза) билан иккинчи, Қозоғистон 7 медал (3 олтин, 3 кумуш, 1 бронза) билан учинчи ўринни эгаллади.

#Баҳрайн #Оғир атлетика #Руслан Нурудинов