Telegraph: Британия сувларида Россиянинг жосуслик датчиклари топилди

Британия ҳарбийлари қирғоқда топилган рус датчиклари қиролликнинг ядровий сувости кемалари бўйича жосуслик қилиш учун ишлатилган ва миллий хавфсизликка таҳдид деб гумон қилмоқда, деб ёзади The Telegraph газетаси.

Фото: Andy Buchanan/PA/picture alliance

Буюк Британия ҳукумати Россия Британия ядровий сувости кемалари бўйича жосуслик қилиш учун датчиклардан фойдаланган деб ҳисоблайди. Улар қироллик денгиз флоти томонидан бир нечтаси қирғоққа чиқиб келганидан сўнг топилди, деб ёзади The Telegraph газетаси 6 апрел, якшанба куни. Топилма миллий хавфсизликка потенциал таҳдид сифатида баҳоланмоқда, дейилади мақолада.

Вазият ҳақида жамоатчиликка хабар берилмаган, бироқ The Sunday Times аввалроқ Москва ядровий ракеталар билан қуролланган Британиянинг тўртта Vanguard сувости кемаси бўйича разведка маълумотларини тўплашга уринаётгани ҳақида хабар берган эди. Нашрнинг қайд этишича, улардан камида биттаси Британиянинг ташқи таҳдидлар олдини олиш бўйича олиб бораётган саъй-ҳаракатлари доирасида доимий равишда денгиздадир.

The Telegraph таъкидлаганидек, Москвада, Лондондаги разведка маълумотларига кўра, Буюк Британия ва унинг НАТО бўйича иттифоқчиларининг сувости кемаларига қараганда «денгиз тубидаги уруш ва жосуслик нуқтайи назаридан» яхшироқ жиҳозланган махсус сувости кемалари парки бор.

#Британия #датчик