Трамп ўзини танқид қилган Байденга жавоб қайтарди

АҚШ собиқ президенти Жо Байден «миллионлаб жиноятчиларнинг Қўшма Штатларга киришига рухсат берди». Бу ҳақда АҚШ президенти Доналд Трамп Truth ижтимоий тармоғидаги постида маълум қилди.

Аввалроқ, Жо Байден Трампни танқид қилиб, унинг номини тилга олмаган ва «ўша йигит» деб атаган эди. Хусусан, Байден Трамп томонидан Ижтимоий таъминот агентлиги ходимлари сонининг кенг миқёсда қисқартирилишини танқид қилиб, бу миллионлаб америкаликлар учун хавф туғдираётганига ишора қилди. «Биз ҳеч қачон бу ишончга хиёнат қилмаслигимиз ёки ўз мажбуриятларимиздан юз ўгирмаслигимиз керак», деди Байден Оқ уйни тарк этганидан кейин биринчи нутқида.

«Уйқусираган Байден - АҚШ тарихидаги энг ёмон президент», деб ёзди Трамп. Унинг сўзларига кўра, Байден даврида Қўшма Штатларга кирган жиноятчилар - «қотиллар, гиёҳванд модда сотувчилари, қамоқхона ва руҳий касалхоналарнинг собиқ маҳбуслари» - «ўйламасдан очиб юборилган чегарадан» фойдаланган. «Менинг вазифам бу қотиллар ва безориларни бу ердан даф қилиш», деб ёзди Трамп.