Вашингтон мэри 11 апрелни «Александр Овечкин куни» деб эълон қилди
Мэр баёнотида Овечкин «ўз жамоасининг кўплаб муваффақиятларига ҳисса қўшгани» айтилади.

Фото: Getty images
АҚШ пойтахти Вашингтон шаҳри мэри Муриэл Баузер 11 апрелни «Александр Овечкин куни» деб эълон қилди.
«Вашингтон Кэпиталз» таркибида ўйнаётган россиялик хоккейчи Миллий хоккей лигаси (NHL) доирасидаги голлар сони (894 та) бўйича канадалик Уэйн Гретцки рекордини янгилаган эди.
Мэр баёнотида Овечкин «ўз жамоасининг кўплаб муваффақиятларига ҳисса қўшгани», жумладан, 16 марта плей-офф ўйинларига йўлланма олгани ва 2018 йилда «Вашингтон Кэпиталз» учун биринчи Стэнли Кубогини келтиргани айтилади.
Шунингдек, Овечкин «Конн Смайт Трофи», «Колдер Трофи», «Арт Росс Трофи», «Харт Мемориал Трофи», «Тед Линдсей Трофи» ва «Морис Ришар Трофи» шахсий совринларини қўлга киритган тарихдаги ягона хоккейчидир.
«Шунинг учун мен 2025 йил 11 апрелини Вашингтонда «Алекс Овечкин куни» деб эълон қиламан ва барча вашингтонликларни байрам қилишга чорлайман», деди Баузер ўз баёнотида.
Александр Овечкин 2005 йилдан бери «Вашингтон Кэпиталз» таркибида ўйнамоқда. 2010 йилдан буён жамоа сардори ҳисобланади. 6 апрель куни у «Нью-Йорк Айлендерс»га қарши ўйинда 895-голини уриб, афсонавий Гретцки рекордини янгилади. Ўйиндан кейин канадалик собиқ хоккейчи шахсан россияликни янги рекорд билан табриклади.
Мавзуга оид

23:25 / 24.04.2025
Трамп миллионерлар учун солиқларни оширишдан бош тортди

13:30 / 24.04.2025
90 фоиз уйлар вайрон бўлган Ғазо, Кашмирдаги терактда айбланаётган Покистон ва барбод бўлган Лондон музокаралари — кун дайжести

09:50 / 24.04.2025
Трамп Лондондаги Украина музокараларини ижобий баҳолади

09:50 / 24.04.2025