Тошкентда 1 ва 2 хонали уйлар ижара нархи арзонлашди

2025 йилнинг январ-март ойларида пойтахтда 1, 2 ва 3 хонали турар жойларнинг ўртача ижара нархлари ўтган йилнинг мос давридагига нисбатан сезиларли даражада арзонлашган бўлса, 4 хонали уйларники Шайхонтоҳур туманидаги тўлиқ таъмирланган «люкс» тоифадаги уйлар ижараси ҳисобига бироз қимматлашган.

2025 йилнинг март ойида ўртача таъмирланган хонадонлар учун ўртача ижара нархлари 2024 йилнинг мос даврига нисбатан сезиларли даражада арзонлашди:

- 1 хонали: $296 (ўтган йилнинг март ойидагига ($356) нисбатан -16.6 фоиз);
- 2 хонали: $379 (ўтган йилнинг март ойидагига ($396) нисбатан -4.6 фоиз);
- 3 хонали: $454 (ўтган йилнинг март ойидагига ($467) нисбатан -2.9 фоиз)
- 4 хонали: $521 (ўтган йилнинг март ойидагига ($538) нисбатан -4.7 фоиз).

Ўртача таъмирланган хонадонлар учун таклиф этилган нисбатан арзон ижара нархлари:

- Сергели тумани (1 хонали — $297, 2 хонали – $373, 3 хонали – $432, 4 хонали — $443);
- Олмазор тумани (1 хонали – $287, 2 хонали – $347, 3 хонали – $408, 4 хонали – $474).

Нисбатан қиммат ижара нархлари:

- Шайхонтоҳур тумани (1 хонали – $345, 2 хонали – $462, 3 хонали – $582, 4 хонали – $617);
- Яккасарой тумани (1 хонали – $381, 2 хонали – $528, 3 хонали – $616, 4 хонали – $700).

Жорий йилнинг март ойида тўлиқ таъмирланган 1, 2 ва 3 хонали турар жойлар учун ижара нархлари ҳам ўтган йилнинг март ойидагига нисбатан арзонлашди:

- 1 хонали: $411 (ўтган йилнинг март ойидагига ($472) нисбатан -13,1 фоиз);
- 2 хонали: $547 (ўтган йилнинг март ойидагига ($644) нисбатан -15,0 фоиз);
- 3 хонали: $728 (ўтган йилнинг март ойидагига ($788) нисбатан -8.5 фоиз);

Мазкур даврда 4 хонали уйларнинг ижара нархи $957 ни (ўтган йилнинг март ойида — $909) ташкил этди ва ўтган йилнинг мос давридагига нисбатан 3,1 фоиз қимматлашди.

Тўлиқ таъмирланган уй-жойлар учун таклиф этилган нисбатан арзон ижара нархлари:

- Сергели тумани (1 хонали – $327, 2 хонали – $417, 3 хонали – $513, 4 хонали – $641);
- Учтепа тумани (1 хонали – $386, 2 хонали – $450, 3 хонали – $534, 4 хонали – $625).

Нисбатан қиммат ижара нархлари:

- Миробод тумани (1 хонали – $484, 2 хонали – $731, 3 хонали – $1027, 4 хонали – $1328);
- Шайхонтоҳур тумани (1 хонали – $521, 2 хонали – $732, 3 хонали – $1093, 4 хонали – $1381).