Қўшимча функционаллар
-
Тунги кўриниш
Қирғизистонда Россия армиясига ёллаш билан шуғулланган «Русский дом» ходими ҳибсга олинди
Иш юзасидан 4 киши ушланган, улар Россия армиясига ёллаш билан шуғулланганликда айбланмоқда.
Фото: kirghizia-osh.rs.gov.ru
Қирғизистондаги «Русский дом» ходими ва яна уч киши Россия армиясига ёллаш билан шуғулланганликда айбланиб, ҳибсга олинди. Бу ҳақда «Озодлик» радиосининг қирғиз хизмати хабар берди.
Нашрнинг таъкидлашича, қўлга олинганларнинг барчаси Қирғизистон Жиноят кодексининг 416-моддаси («Хориж армиясига ноқонуний ёлланиш») бўйича гумон қилинмоқда. Жиноят иши Миллий хавфсизлик давлат қўмитаси (МҲДҚ) томонидан қўзғатилган.
Суд хабарида ҳибсга олинганлар исми-шарифининг фақат бош ҳарфлари кўрсатилган. «Озодлик» радиосининг маълум қилишича, ҳибсга олинганлардан бири Ўш шаҳридаги «Русский дом» (Россотрудничество ваколатхонаси) ходими Наталя Секерина ҳисобланади. Ҳибсга олинганлардан яна бири – Ўш мэрияси матбуот хизмати ходими Сергей Лапушкин.
Иш юзасидан Лапушкин ва Секеринадан ташқари яна икки киши ҳибсга олинган. Уларнинг исмлари номаълум. Тўрт нафари ҳам 17 июнга қадар ҳибсга олинган.
Россия-Украина уруши
Мавзуга оид
19:26 / 01.08.2025
Қирғизистонда 1 сентябрдан йўлларда ҳайдовчиларнинг қоидалар бўйича билимини текшириш бошланади
18:40 / 31.07.2025
Ўзбекистон президентининг Қирғизистонга давлат ташрифи кутилмоқда
13:53 / 30.07.2025
Қирғизистонда халқаро интернет-трафикка монополия жорий этиляпти
21:43 / 29.07.2025