Қўшимча функционаллар
-
Тунги кўриниш
Malibu-2 автомобиллари Ўзбекистонга Хитойдан юборилмоқда — UzAuto Motors
Компания Ўзбекистонга Қозоғистондан Malibu-2 автомобиллари қайтиб келгани тўғрисидаги хабарларни рад этди. Таъкидланишича, интернетда тарқалган видеода Хитойдан Ўзбекистонга олиб келинаётган машиналар акс этган.
Фото: Видеодан кадр
UzAuto Motors ижтимоий тармоқларда Malibu-2 автомобиллари партияси Қозоғистондан Ўзбекистонга қайтарилгани ҳақидаги хабарлар ҳақиқатга тўғри келмаслигини маълум қилди.
Ижтимоий тармоқларда автовозга ортилган янги Malibu-2 автомобиллари акс этган видео тарқалди. Ролик муаллифи ўз изоҳида ушбу автомобиллар гўёки Қозоғистонда қайтарилиб, Ўзбекистонга етказиб берилаётганини таъкидлаган.
UzAuto Motorsʼга кўра, эълон қилинган видеода ҳақиқатан ҳам янги Malibu-2 автомобиллари акс этган, улар Хитойдан Қозоғистон орқали Ўзбекистонга белгиланган тартиб-қоидаларга тўлиқ риоя қилган ҳолда юборилмоқда.
Компания ижтимоий тармоқ фойдаланувчиларидан нотўғри маълумотларни тарқатмасликни сўради.
Маълумот учун, Checrolet Equinox, Malibu, Traverce ва Tahoe автомобиллари Ўзбекистонда ишлаб чиқарилмайди, балки UzAuto Motors томонидан импорт қилинади.
Эслатиб ўтамиз, Шавкат Мирзиёев 5 март кунги селекторда давлат идораларида хизмат транспортида юришни кескин қисқартириб, миллий автомобил ва миллий мебелга ўтиш зарурлигини айтганди. Президент топшириғидан кейин бош вазир Абдулла Арипов Mercedes-Benz русумли хизмат автомобилидан Chevrolet Malibuʼга ўтгани, вилоятлар ҳокимлари ҳам UzAuto Motorsʼдан харид қилинган моделларга ўтаётгани маълум қилинганди.
Мавзуга оид
00:24
Тошкентда Malibu ЙПХ ходимини судраб кетди, Tracker эса чорраҳани тартибга солаётган инспекторни уриб юборди
11:55 / 26.04.2025
Автомобил бозоридаги монополия: Ўзбекистон битта хатони иккинчи марта такрорлайдими?
11:21 / 23.04.2025
UzAuto Motors хусусийлаштирилади. 3,4 миллиард долларга қурилган GTL заводи ҳам
21:10 / 12.04.2025