Британиялик аёл дам олиш куни ишдан бўшатилгани учун 25 минг фунт ундириб олди

Буюк Британияда аёл дам олиш куни ишдан бўшатиб юборилгани учун компанияни судга бериб, унда ютиб чиқди. Собиқ иш берувчи Жоанн Нилга 25 минг фунт стерлинг тўлайдиган бўлди, деб ёзади The Telegraph.

Қайд этилишича, дам олиш куни аёлга ишхонасидан видеоалоқа орқали учрашув ўтказилиши тўғрисида хабар келган. Суҳбат вақтида компания менежери унга аёл қисқартириладиган ходимлар рўйхатига тушганини маълум қилган. Шу билан бирга, Жоаннга савол бериш ёки қарор устидан шикоят киритиш имконияти тақдим этилмаган.

Нил судга мурожаат қилиб, ишдан бу усулда бўшатилиш унинг руҳий ҳолатига салбий таъсир кўрсатганини билдирган. Судя Лиз Орднинг таъкидлашича, учрашув ҳақида кеч огоҳлантириш ва унинг мазмунидан бехабар бўлиш Жоанни ноқулай вазиятга солиб қўйган.

Британиялик аёлга 2022 йилда у раҳбариятдан соғлиғидаги муаммолар туфайли ҳафтасига икки кун уйдан ишлашга рухсат сўрагани ёрдам берган. Компания Нилнинг сўровини рад этган, шунингдек, унинг касаллик таътилини олиш имкониятини ҳам чеклаган.

Жанубий Лондон суди мазкур ҳолатни жинсий камситиш деб тан олган, чунки қисқартириш иш жадвалига боғлиқ ҳолда амалга оширилган. Статистик маълумотларга кўра, аёллар эркакларникига қараганда тўлиқ бўлмаган иш кунида ишлаб келган. Суд компанияга аёл маънавий зарар кўргани ва даромаддан қуруқ қолгани учун 25 минг фунт стерлинг тўлаш мажбуриятини юклаган.