Қўшимча функционаллар
-
Тунги кўриниш
Лицензиясиз хорижга ишга жўнатаётганларга нисбатан қатъий чоралар кўрилмоқда - Миграция агентлиги
Агентлик томонидан ўтказилган назорат тадбирларида “WORLDVISA” МЧЖ, “Everyone Consult” МЧЖ ва “Adworld Group” МЧЖ ўзларининг ижтимоий тармоқлардаги эълонлари орқали юртдошларни хорижга ишга юбориш хизматларини кўрсатаётганликлари, фуқаролардан пул йиғиб, хизмат кўрсатмаганлик ҳолатлари аниқланган.
Ушбу жамиятларга нисбатан ҳуқуқбузарликлар юзасидан тегишли жарималар қўлланилди.
Ўзбекистон Республикаси Вазирлар Маҳкамасининг 2025 йил 22 апрелдаги 252-сонли қарорига мувофиқ, фуқароларини хорижда ташкиллаштирилган тартибда ишга жойлаштириш фаолияти билан Миграция агентлиги шуғулланади.
Шунингдек, “Хусусий бандлик агентликлари тўғрисида”ги Қонунга мувофиқ, мазкур фаолиятни лицензия асосида амалга ошириш ҳуқуқи фақат Миграция агентлиги томонидан лицензия олган хусусий бандлик агентликларига берилган.
Бироқ сўнгги пайтларда лицензияга эга бўлмаган ҳолда, фуқароларни хорижга ишга жойлаштиришни ваъда қилиб, консалтинг ёки ахборот хизмати ниқоби остида ноқонуний фаолият юритувчи шахслар кўпаймоқда.
МИГРАЦИЯ АГЕНТЛИГИ ОГОҲЛАНТИРАДИ:
Лицензияга эга бўлмаган ташкилотлар орқали хорижда ишга жойлашишга уриниш фуқароларнинг молиявий ва ҳуқуқий хавф-хатарга дучор бўлишига олиб келади.
Хавфсизлигингиз ўз қўлингизда:
▪️ Расмий рўйхатдаги агентликлар билан ҳамкорлик қилинг.
▪️ Ҳар қандай шартномани имзолашдан олдин уни синчиклаб ўқиб чиқинг.
▪️Шубҳали тўловларни амалга оширманг.
Сизнинг ҳуқуқларингиз ва хавфсизлигингизни таъминлаш – Миграция агентлигининг устувор вазифасидир.
Қўшимча маълумот: Telegram
Мавзуга оид
16:34 / 15.04.2025
Миграция агентлигининг фирибгарлик ва жиноий даромадларни легаллаштиришда айбланган собиқ раҳбари оқланди
15:00 / 07.03.2025
30/30/30 акцияси, 30 апрель, 30 сония ва 30 та авиачипта!
19:55 / 18.01.2025
“Учинчи шахслар аралашуви” – миллионлаб ўзбекистонликлар Англияда ишлаш учун ариза топширган танлов бекор қилинди
12:14 / 18.01.2025