Ўзбекистонда токен чиқариш бўйича пилот лойиҳани амалга ошириш режалаштирилмоқда

Лойиҳа хорижий инвестицияларни жалб қилишнинг инновацион усулларини яратишга, ички ва халқаро ҳисоб-китобларни соддалаштиришга, молиявий операцияларнинг шаффофлигини оширишга ва янада жозибадор инвестиция муҳитини яратишга қаратилган.

HUMO токени давлат облигациялари билан таъминланади, бу эса таъминланган токеннинг барқарорлигини кафолатлайди ва унинг қийматидаги ўзгаришларни нивелирлайди.

Шуни таъкидлаш керакки, лойиҳа крипто-активлар айланмаси соҳасидаги Ўзбекистон Республикаси қонун ҳужжатлари талабларига тўлиқ мос келади.

Лойиҳанинг асосий иштирокчиси – Ўзбекистон молия секторини рақамли трансформация қилишнинг асосий драйверларидан бири бўлган HUMO тўлов тизими ҳисобланади. 35 миллиондан ортиқ карталар ва мамлакатнинг банк ва савдо инфратузилмасига кенг интеграциялашуви билан HUMO миллионлаб фуқароларнинг кундалик молиявий ҳаётида муҳим рол ўйнайди.

Ушбу экотизим доирасида кафолатланган токенни жорий этиш транзакциялар устидан назоратни кучайтириш, «сояли» операциялар кўламини камайтириш ва мамлакатда нақд пулсиз ҳисоб-китобларга бўлган ишонч даражасини ошириш, шунингдек, мамлакатга хорижий инвестицияларни жалб қилиш имкониятини яратади.

Ушбу лойиҳани амалга ошириш жараёнида крипто-активлар айланмаси соҳасидаги миллий хизмат кўрсатувчи провайдер - «Asterium» МЧЖ компаниясини, тақсимланган маълумотлар реестрларини (блокчейн) ишлаб чиқиш соҳасидаги халқаро экспертлар – «Broxus» компаниясини жалб қилиш режалаштирилмоқда.

Лойиҳа иккита технология – ЭВМ ва ТВМ асосида ишга туширилиши кўзда тутилган. ТВМ учун технологик асос сифатида Tycho – транзакциялар қиймати бўйича юқори юкламаларни қўллаб-қувватлаш, кенг миқёслилик ва самарадорликни таъминлайдиган протоколи танланган.

Таъминланган HUMO токени фойдаланувчиларга бир қатор асосий афзалликларни, жумладан: кечикишларсиз ва воситачиларсиз фиат воситаларига токенни алмаштириш учун тезкор ва автоматлаштирилган жараёнлар, транзакция харажатларини камайтириш, барча операцияларнинг шаффофлиги ва хавфсизлигини ошириш учун тарқатилган маълумотлар реестрида (блокчейн) барча операцияларни қайд этиш имкониятларини тақдим этади.

Операцияларнинг тўлиқ шаффофлиги сабаб таъминланган HUMO токенидан фойдаланиш молиявий фирибгарликка қарши курашда ҳам самарали восита бўлади. Таъминланган HUMO токенини чиқариш ва муомалага киритиш механизми мамлакатнинг мавжуд молиявий инфратузилмасига интеграцияни ҳисобга олган ҳолда ишлаб чиқилган.

«Таъминланган HUMO токенининг ишга туширилиши Ўзбекистоннинг инновацион ва замонавий молия тизимини барпо этиш йўлидаги муҳим босқичдир», – дея изоҳ берди HUMO ТТ бошқаруви раиси Алексей Максимов. - Ҳақиқий активлар билан тўлиқ таъминланган ушбу токенни яратиш фуқаролар ишончини оширади, операцияларни соддалаштиради ва мамлакат электрон иқтисодиётининг ривожланишини тезлаштиради. Бизнинг асосий вазифаларимиздан бири шаффофликни ошириш ва фирибгарлик хавфини камайтиришдир, бу айниқса ҳозирги шароитда долзарбдир».

«Tаъминланган HUMO токени лойиҳаси янги рақамли молиявий муҳит учун пойдевор яратмоқда», - деди Asterium директори Комилхўжа Султонов. – Биз замонавий технологиялар крипто-активлар билан ўзаро алоқани анъанавий воситалардан фойдаланиш каби содда ва таниш қилган ҳолда, табиий равишда кундалик молиявий жараёнларга интеграцияланаётган барқарор инфратузилмани яратмоқдамиз».

«Биз Broxus технологияси бундай муҳим давлат лойиҳасининг бир қисмига айланганидан хурсандмиз», - деди Broxus асосчиси Сергей Шашев. - Бизнинг вазифамиз - рақамли операцияларни хавфсиз, ҳаммабоп ва шаффоф қиладиган ечимларни яратишдир, Tycho блокчейни эса бу ҳолда давлат миқёсидаги лойиҳалар учун зарур бўлган юқори операция тезлиги, паст комиссиялар ва ишончлиликни таъминлайди».

Таъминланган HUMO токенини давлат органлари томонидан қўллаб-қувватлаш, уни ҳақиқий активларга боғлаш ва тасдиқланган технологиядан фойдаланиш уни мамлакат молия тизимига интеграциялаш учун мустаҳкам асос яратади. Келгусида ушбу лойиҳа доирасида яратилган блокчейн-платформа Ўзбекистонда янги рақамли хизматларни ривожлантириш учун асос бўлиши мумкин.

Реклама ҳуқуқи асосида