Киев ЕИни АҚШ сенаторларининг санкциялар бўйича ғояларини қабул қилишга чақирди

Россияга қарши янги санкцияларни ишлаб чиқишда Европа Иттифоқи давлатлари АҚШ сенаторлари томонидан қонун лойиҳасида баён этилган таклифларни ҳисобга олиши керак. Украина ташқи ишлар вазирлиги раҳбари Андрей Сибига 20 май, сешанба куни Брюсселда шундай таклиф билан чиқди, деб хабар беради DW мухбири.

Сибига Москвага қарши янги санкциялар лойиҳаси республикачи Линдси Грэм бошчилигидаги АҚШ сенаторлари гуруҳи томонидан тайёрланганини эслатди. «Бизнинг таклифларимиздан бири, Украина томонидан шундан иборатки, Европанинг кейинги санкциялар пакетлари бугунги кунда Линдси Грэм лойиҳасидаги асосий элементларни акс эттириши керак», деди Сибига. Унинг сўзларига кўра, муҳокамада, масалан, энергетика ва банк секторига эътибор қаратиш лозим.

Вазир Киевнинг «ҳозирги вақтда вақтинча босиб олинган ҳудудларни ҳеч қачон тан олмаслиги» ҳақидаги позициясини такрорлади. «Биз Украина армияси учун ҳеч қандай чекловларни тан олмаймиз. Украина ташқи сиёсати учун ҳеч қандай чекловлар бўлмайди», — дея қўшимча қилди у. «Украина суверенитети ёки Украина ҳудудий яхлитлиги ҳисобига ҳеч қандай муроса йўқ».