«Реал» Карло Анчелотти кетишини эълон қилди
Италиялик мутахассис «Реал» бош мураббийи сифатидаги сўнгги ўйинни 24 май куни Испания чемпионати охирги тури доирасида «Реал Сосьедад»га қарши Мадридда ўтказади.

Фото: Getty images
Карло Анчелотти Мадриднинг «Реал» клуби бош мураббийи лавозимини тарк этади. Тегишли баёнот клуб расмий сайтида эълон қилинди.
Италиялик мутахассис «Реал» бош мураббийи сифатидаги сўнгги ўйинни 24 май куни Испания чемпионати охирги тури доирасида «Реал Сосьедад»га қарши Мадридда ўтказади.
«Карло Анчелотти «Реал» абадий тарихининг бир қисми бўлиб қолади. Биз унга ажойиб ютуқлари ва клуб қадриятларининг бенуқсон тимсоли учун миннатдорчилик билдирамиз», деди клуб президенти Флорентино Перес.
65 ёшли Анчелотти 2021 йилдан буён «Реал»ни бошқармоқда, бунгача клубда 2013 йилдан 2015 йилгача ишлаган. Унинг раҳбарлигида жамоа уч марта Чемпионлар Лигаси, икки марта Испания чемпиони бўлган, шунингдек, бошқа кўплаб совринларни қўлга киритган, жумладан, клублар ўртасидаги жаҳон чемпионати ва УЕФА Суперкубогини. У 15 та соврин билан «Реал» тарихидаги энг муваффақиятли мураббий ҳисобланади.
Аввалроқ, Бразилия футбол конфедерацияси (CBF) Анчелотти миллий жамоага бош мураббий этиб тайинланганини эълон қилган эди.
Олдинроқ, оммавий ахборот воситалари испаниялик Хаби Алонсо «Реал»нинг янги бош мураббийи бўлиши ҳақида ёзган эди.
Мавзуга оид

19:12 / 18.05.2025
«Чўксанг каттароқ денгизда чўк». Гулернинг онаси, Мадриддаги саргузаштлари ва зилзиладан омон қолган мухлиси ҳақидаги ҳикояси

20:37 / 12.05.2025
Карло Анчелотти Бразилия миллий жамоасига бош мураббий бўлди

16:39 / 27.04.2025
«Реал»дан ниҳоят муносиб қаршилик. Анчелотти ўйинни қандай ўзгартирди?

12:45 / 27.04.2025