Ўзбекистонда болалар сайёҳлик дастури доирасида 1 млн ўқувчи мамлакат бўйлаб саёҳат қилиши мумкин

Ўзбекистонда болалар туризмини ривожлантириш бўйича кенг кўламли дастур бошланди.

"Казинформ" халқаро ахборот агентлиги маълумотига кўра, ушбу дастур доирасида ҳар йили 1 миллион мактаб ўқувчиси мамлакат бўйлаб саёҳат қилиши мумкин бўлади. Дастурнинг асосий мақсади мактаб ўқувчиларининг бўш вақтини қизиқарли ва фойдали ташкил этишдир.

Шу мақсадда Қорақалпоғистон, Хоразм, Самарқанд, Бухоро ва пойтахтдаги "Баркамол авлод" марказларида камида 100 ўринли "Болалар сайёҳлик базаси" ташкил қилинади.

Шунингдек, "Баркамол авлод" мактаблари, "Ёшлик" спорт жамияти ва Ўқувчи ёшлар маркази ягона тизимга бирлаштирилади. Улар таъмирланиб, замонавий йўналишларга мос жиҳозланади, хорижий тиллар, сунъий интеллект, дастурлаш ва анимация каби янги тўгараклар очилади.

#саёҳат #ўқувчи #болалар #сайёҳлик дастури