Қўшимча функционаллар
-
Тунги кўриниш
Зоминда сел автомобил йўлини қум-тош билан ёпди
Махсус муҳандислик техникалари ёрдамида сел оқибатларини бартараф этиш чоралари кўрилмоқда.
27 май куни Жиззах вилояти, Зомин туманининг айрим ҳудудларида қисқа муддатли кучли ёмғир ёғиши оқибатида сойлардан (сел йўлларидан) ёмғир сувларининг тўпланиб оқиши кузатилди. Бу ҳақда Жиззах ФВБ хабар берди.
Қайд қилинишича, сел сувлари келиши оқибатида Дуоба маҳалласи, Қоронғисой қишлоғи ҳудудидан ўтувчи автомобил йўлининг бир қисми қум-тош массалари билан ёпилиб қолган.
Фуқаролар, аҳоли яшаш хонадонлари, ижтимоий соҳа объектлари ва чорва молларига зарар етмагани таъкидланмоқда.
Хабарга кўра, махсус муҳандислик техникалари ёрдамида сел оқибатларини бартараф этиш чоралари кўрилмоқда.
Жиззах ФВБ аҳолидан тоғ ва тоғолди ҳудудларда ҳаракатланганда хавфсизлик талабларига қатъий риоя этишни сўради.
Мавзуга оид
12:21 / 28.05.2025
Ўзбекистоннинг 9 вилоятида сел-сув тошқини хавфи эълон қилинди
12:00 / 16.05.2025
17-19 май кунлари қатор ҳудудларда сел хавфи эълон қилинди
15:50 / 06.05.2025
Покистон Зомин тоғ ҳудудида экотуризм объектларини ташкил этади
17:10 / 25.04.2025