Қўшимча функционаллар
-
Тунги кўриниш
Трамп: Россиянинг Украинага берган зарбаларидан ҳайратдаман ва ҳафсалам пир бўлди
АҚШ президентининг сўзларига кўра, Россия Украинада тинчликка эришиш истагига тўғри келмайдиган ҳаракатларни давом эттирмоқда.
Фото: REUTERS
АҚШ президенти Доналд Трамп Россиянинг Украина шаҳарларига ҳаво ҳужумлари мамлакатлар делегациялари тинчлик музокаралари олиб бориши керак бўлган бир пайтда содир бўлаётганидан ҳайратда қолганини айтди. Бу ҳақда Оқ уй раҳбари 30 май, жума куни Илон Маскнинг Ҳукумат самарадорлиги департаменти (DOGE) раҳбари лавозимидан кетиши муносабати билан бўлиб ўтган матбуот анжуманида маълум қилди.
«Мени жуда ҳайратда қолдирган нарсаларни кўрдим. Музокаралар чоғида Киев каби шаҳарларга ракеталар учирилди. Музокаралар эса, менинг ўйлашимча, якунланишига жуда яқин эди», — деди АҚШ президенти.
Трампнинг сўзларига кўра, «биз муаммони деярли ҳал қилдик», бироқ Россия Украина шаҳарларини ракеталардан нишонга олиб, одамларни ўлдирган. «Мени ҳайратга солган нарсаларни кўрдим. Мен ҳайрон бўлишни ёқтирмайман. Шунинг учун жуда ҳафсалам пир бўлди», — деди Америка раҳбари.
Трампнинг сўзларига кўра, сўнгги ҳафтада Россиянинг Украинага қарши урушида камида беш минг киши ҳалок бўлган – «уларнинг аксарияти аскарлар, шунингдек, бутун Украина бўйлаб кичик шаҳарчаларда яшаган одамлардир». «Мен бу тўхтаганини кўришни истардим», деди АҚШ президенти.
Россия-Украина уруши
Мавзуга оид
17:37
Иркутск области илк бор дронлар ҳужумига учради. Украина ОАВ бу «Паутина» махсус операцияси эканини маълум қилди
22:40 / 31.05.2025
“Ғарбий Сибирни ўзбеклар бошқарган” – таҳлилчилар Россияда кўтарилган шов-шув ҳақида
17:33 / 31.05.2025
Россия «буфер зона» яратиш учун Суми областига ҳужум қилмоқда. Бу амалга ошадими?
16:55 / 31.05.2025