Зеленский Қрим сабаб янги санкциялар жорий этди

Украина президенти Володимир Зеленский «Қримда бизнес олиб бораётган» жисмоний ва юридик шахсларга қарши янги санкциялар жорий этиш тўғрисидаги фармонни имзолади.

«Ва бугун бу — шундай шахсларларга қарши санкциялар бўйича катта ишларнинг фақат бошланишидир. Махсус хизматлардан маълумотлар бор — биз принципиал ёндашамиз. Яқин орада навбатдаги санкция қарорлари эълон қилинади», — дейди Зеленский.

«Strana.ua»нинг ёзишича, «Украинская Правда» газетаси эгаси Томаш Фиаланинг бизнес шериги ва унга боғлиқ компаниялар санкцияларга учраган. Нашр маълумотларига кўра, гап эстониялик Ҳиллар Тедер ҳамда унинг Arricano Real Estate PLC компанияси ҳақида кетмоқда. Фиаланинг ўзига нисбатан санскиялар қўлланилмаган.

Бундан ташқари, Зеленский Лондонга кетиб қолган халқ депутату Артём Дмитрук, собиқ халқ депутати Аленсандр Онишенко ва кинопродюсер Влад Ряшинга қарши ҳам санкциялар жорий этган.

Жами 13 киши ва саккизта компания санкцияларга учраган бўлиб, уларнинг иккитаси Россияда, қолганлари Кипрда рўйхатдан ўтказилган.

«Strana.ua» янги санкцияларни «Украинская правда» сўнгги кунларда бош вазир ўринбосари — миллий бирлик вазири Алексей Чернишовга қарши коррупция айбловига боғлиқ можарони ёритгани билан боғламоқда. Ўтган ҳафта Украина Миллий антикоррупция бюроси ва Коррупцияга қарши курашиш бўйича ихтисослаштирилган прокуратура 23,8 миллион долларлик зарар етказиши мумкин бўлган қурилиш соҳасидаги коррупциявий битимни фош этганди. Ҳолат бўйича беш нафар шахс гумонланмоқда, уларнинг икки нафари Чернишовга алоқадор.