Тошкент – Бали йўналишида биринчи тўғридан тўғри рейс амалга оширилди

Мазкур йўналиш очилгунига қадар Балига етиб бориш бир суткагача вақт оларди ва халқаро ҳаблар орқали бошқа самолётга ўтишга тўғри келарди. Энди оролгача бўлган йўл атиги 9,5 соатли тўғридан тўғри парвоз орқали амалга оширилади – кутишларсиз, қўшимча парвозларсиз ва қийин логистикасиз.

“Ўзбекистон учун бу шунчаки янги рейс эмас – бу очиқлик, глобал туризмга интилиш ва халқаро алоқалар мустаҳкамланишининг рамзи. Тошкентни Балига тўғридан тўғри боғлаган илк авиакомпания бўлганимиздан фахрланамиз”, – деди Qanot Sharq самолёти капитани Дмитрий Ефремов.

Йўналишнинг очилиши Жануби-Шарқий Осиёга бўлган ортиб бораётган қизиқиш ва мамлакат ичидаги туристик талабнинг етилганини тасдиқлайди. Бали ўзбекистонлик сайёҳлар хоҳлаган йўналишлардан бири бўлиб, энди у ҳар қачонгидан ҳам яқинроқ бўлди.

“Балига тўғридан тўғри рейс – бу Ўзбекистоннинг янги интилишларини акс эттиради. Туризм ўзгариб боряпти, мамлакат дунёга очилмоқда, фуқаролар эса узоқроқ ва таассуротларга бойроқ йўналишларни танламоқда. Биз ушбу ўзгаришларнинг йўлбошчиси бўлганимиздан хурсандмиз”, – дея таъкидлади Asialuxe Travel вакили.

Парвозлар ҳар ўн кунда бир марта амалга оширилади. Сайёҳларга авиачипта, трансфер, меҳмонхонада яшаш, тиббий суғурта ва интернетли еSIM'ни ўз ичига оладиган тўлиқ туристик тўплам таклиф қилинади.

Мазкур йўналиш Тошкентнинг ривожланаётган авиация нуқтаси сифатидаги мавқейини ҳам мустаҳкамлайди. Янги рейс авиапарвозларга қўшимча талаб яратади, туроператорлар фаолиятини жонлантиради ва меҳмонхона бизнеси, трансфер, суғурта ҳамда рақамли сервислар каби туризм билан боғлиқ бошқа соҳаларнинг ривожланишини рағбатлантиради.

Шу билан бирга, Марказий Осиё ва Индонезия ўртасидаги бизнес ва маданий алоқаларни мустаҳкамлаш учун ҳам янги имкониятлар очилади.