Қўшимча функционаллар
-
Тунги кўриниш
Барча ташкилот ва маҳаллалардаги асоссиз қўйилган тақиқловчи белгиларни олиб ташлаш топширилди
Шунингдек, ҳукумат қарори билан тасдиқланган рўйхатдан ташқари раҳбарларнинг хизмат машинасига йўлларда устунлик берилмаслиги белгиланди.
Фото: Getty images
Президент Шавкат Мирзиёев раислигида йўл ҳаракати хавфсизлигини таъминлаш, инфратузилмасини яхшилаш ва тирбандликларни камайтириш чора-тадбирлари юзасидан йиғилиш ўтказилди.
Унда давлат раҳбари айрим вазирлик ва идоралар, ҳокимликларнинг маъмурий биноси жойлашган кўчалар ёпиб қўйилганидан, шусиз ҳам тирбанд кўчаларда уларнинг ходимлари йўлнинг 2-3 қаторини «парковка» қилиб олганидан аҳоли норози эканига эътибор қаратди.
Президент топшириғига кўра, 15 минг ҳайдовчи ўртасида сўров ўтказилди. Пойтахтда ҳам, йирик шаҳарларда ҳам қонуний «парковкалар» етишмагани учун улар машинасини йўл бўйига қўйишга мажбурлигини билдирган.
«Умуман, оддий ҳайдовчилар дардини эшитадиган одам, мулоқот платформаси йўқ», деди президент.
Мутасаддиларга барча ташкилот ва маҳаллалардаги асоссиз қўйилган тақиқловчи белгиларни олиб ташлаш топширилди. Вазирлик ва идоралар ходимлари аҳолига ноқулайлик яратиб, «парковка» қилиб олган ҳудудларда фото ва видео камералар ўрнатиб, жазо муқаррарлигини таъминлаш вазифаси қўйилди.
Давлат хизматчилари жамоат транспортида юриш бўйича намуна бўлиши кераклиги қайд этилди. Энди ҳукумат қарори билан тасдиқланган рўйхатдан ташқари раҳбарларнинг хизмат машинасига йўлларда устунлик берилмаслиги белгиланди.
Мавзуга оид
16:33
«Сурункали қоидабузарлар»: мунтазам равишда қоидабузарлик қиладиган ҳайдовчиларга жаримадан чегирма берилмайди
16:28
«Мен ҳам 15–20 дақиқа тирбандликда турдим» – президент
15:36
Аварияларни камайтириш учун йўл инфратузилмасини яхшилашга жиддий эътибор қаратилади
15:24