Қўшимча функционаллар
-
Тунги кўриниш
Фарҳод кўчасидаги автомобил эҳтиёт қисмлари бозорида жиноий гуруҳ аъзолари ушланди
Улар мижозларнинг машинасига рухсатсиз ва олдиндан келишмаган ҳолда турли жиҳозлар ўрнатиб, товламачилик йўли билан пул ундиришга ҳаракат қилган.
Фото: Видеодан кадр
Тошкент шаҳри, Учтепа туманининг Фарҳод кўчасида жойлашган автомобил эҳтиёт қисмлари бозорида 12 нафар шахсдан иборат жиноий гуруҳ фаолиятига чек қўйилди. Бу ҳақда ДХХ хабар берди.
Қайд қилинишича, жиноий гуруҳ аъзолари мижознинг машинасига унинг рухсатисиз ва олдиндан келишмаган ҳолда турли жиҳозлар ўрнатиб, техник хизмат кўрсатган. Шундан сўнг, ушбу хизмат бозор нархида 600 АҚШ доллари бўлишига қарамасдан, фуқародан 13300 АҚШ долларини товламачилик йўли билан ундирган. Эътироз билдирган мижозга қўрқитиш йўли билан таҳдид қилишган.
Яна бир шунга ўхшаш ҳолатда жиноий гуруҳ аъзолари бошқа бир фуқаронинг автомашинасига унинг розилигисиз турли эҳтиёт қисмларни ўрнатиб, ундан 3 баробар қиммат нархда пул талаб қилган. Аниқланишича, улар автомашина калитини фуқародан олиб қўйиб, тазйиқ ўтказиш орқали 15 млн сўм ундиришган.
Бундан ташқари, қонунбузарлар яна 2 нафар фуқаронинг автомашинасини қўшимча эҳтиёт қисмлар билан жиҳозлаш учун улардан 70 млн сўм миқдорида пул олиб, ваъда қилинган ишни бажармаган.
Таъкидланишича, жиноий гуруҳ аъзоларининг кўпчилиги Тошкент шаҳри, Қашқадарё ва Сурхондарё вилоятларида туғилган бўлиб, аксарияти муқаддам судланган шахслар.
Ҳолат бўйича Жиноят Кодексининг 165-моддаси (товламачилик) ва 168-моддаси (фирибгарлик) билан жиноят иши қўзғатилиб, қўлга олинганларга қамоқ эҳтиёт чораси қўлланган.
Мавзуга оид
20:09 / 25.05.2025
Тошкентдаги кўп қаватли уйларнинг бирида ёнғин чиқди
10:10 / 04.04.2025
Тасвирга олиш учун розилик олиш талаби ОАВ фаолиятига қандай таъсир қилади? Адлия вазирлиги изоҳи
11:42 / 23.01.2025
Машҳур ошхона брендларини шантаж қилиб, пул ундиришда гумонланаётган 3 киши қўлга олинди
10:21 / 02.01.2025