Нукус - Оқтов йўналиши бўйича мунтазам авиақатновлар йўлга қўйилди

Ўзбекистоннинг Centrum Air авиакомпанияси Нукус – Оқтов – Нукус йўналиши бўйича янги мунтазам рейсни йўлга қўйди.

Фото: "Дунё" АА

Мазкур ҳаво қатновларининг йўлга қўйилиши Ўзбекистон ва Қозоғистон ўртасидаги транспорт алоқаларини янада кенгайтирди.

Янги рейснинг очилиши муносабати билан Оқтов халқаро аэропортида тантанали кутиб олиш маросими бўлиб ўтди. Тадбир Бош консулхона ва Манғистау вилояти ҳокимлиги ҳамкорлигида ташкил этилди.

Ҳар ҳафта икки марта амалга ошириладиган мунтазам парвозлар Ўзбекистонга сайёҳлар оқимининг ошишига, ўзаро ташрифлар сонининг кўпайишига, савдо-иқтисодий алоқаларнинг мустаҳкамланишига хизмат қилади.

#Нукус #Оқтов