Европарламент Урсула фон дер Ляйенга ишонч билдирди

Европа Комиссияси раиси Урсула фон дер Ляйенга ишонч билдириш учун 553 депутатдан 360 нафари овоз берди, 175 нафари қарши чиқди, 18 нафари эса бетараф қолди.

Фото: Thilo Schmuelgen/POOL/AFP via Getty Images

Европарламент Европа Комиссияси раиси Урсула фон дер Ляйен ва унга бўйсунувчи 26 нафар Европа комиссарига ишонч билдирди. Фон дер Ляйеннинг ўзи ўша пайтда Римда бўлиб, Украинани қайта тиклаш бўйича халқаро конференцияда қатнашди. Овоз беришда иштирок этган 553 депутатдан 360 нафари фон дер Ляйенга ишонч учун овоз берди, 175 нафари қарши чиқди, 18 нафари эса бетараф қолди.

Овоз бериш натижаси Европа комиссияси раҳбари фойдасига ҳал бўлишини олдиндан айтиш мумкин эди. Ишончсизлик вотумини қабул қилиш учун кўпчилик овоз талаб қилинади, шу билан бирга, фон дер Ляйенни Европа парламентида энг катта фракцияга эга бўлган Европа халқ партияси (ЕХП)дан ташқари, социал-демократлар, яшиллар ва либералларнинг муҳим қисми қўллаб-қувватлаши кутилган эди.

Фон дер Ляйенга ишончсизлик вотумини қабул қилиш ҳақидаги таклифни "Европа консерваторлари ва ислоҳотчилар" (ECR) гуруҳидан руминиялик евродепутат Георге Пипери тақдим этди. Ўз навбатида, ECR раҳбарияти бу ташаббусдан узоқлашди. «Бу бизнинг гуруҳимизнинг ташаббуси эмас», деди унинг вакили AFP агентлигига. Бундан ташқари, таклиф муаллифи Европа комиссиясини Руминиядаги президентлик сайловларига аралашишда айблаб, Европа Иттифоқининг мудофаани молиялаштириш дастурига қарши чиқди.

Пиперининг таклифини унинг 75 га яқин ҳамкасби қўллаб-қувватлади, бу эса тегишли кўриб чиқиш учун зарур бўлган 720 аъзодан иборат Европарламент депутатлари умумий сонининг 10 фоизлик квотасидан ошиб кетди.

#Европарламент #Урсула фон дер Ляйен