Қўшимча функционаллар
-
Тунги кўриниш
Миробод туманида таъмирланаётган бинода, Юнусободда эса кўп қаватли уйда ёнғин чиқди
Ҳар икки ёнғин оқибатида ҳеч ким жабрланмаган. Ҳозирда ёнғин сабаби ва келтирилган моддий зарар миқдори аниқланмоқда.
Фото: ФВВ
Фавқулодда вазиятлар вазирлиги Миробод туманида содир бўлган ёнғин тўғрисида маълумот берди.
Қайд этилишича, 13 июл куни соат 18:06 да Миробод тумани Шайхун кўчасида таъмирланаётган бино ёнаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга етиб борган ва ёнғин ўчирилган.
«Ёнғин оқибатида жабрланганлар йўқ. Айтилган манзилда ёнғин тўлиқ ўчирилган бўлиб, ҳеч қандай қайта ёниш хавфи мавжуд эмас», - дейилади хабарда.
Шунингдек, бугун пойтахтнинг Юнусобод туманида жойлашган кўп қаватли уйда ҳам ёнғин чиқди.
Юнусободнинг 8-даҳасида жойлашган кўп қаватли уйнинг 8-қаватида ёнғин юз бераётгани тўғрисидаги хабар Тошкент шаҳар ФВБга соат 18:35 да келиб тушган. Ёнғин орадан қарийб 40 дақиқа ўтгач ўчирилган.
Таъкидланишича, ёнғин оқибатида жабрланганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
Мавзуга оид
10:00 / 13.07.2025
Тошкент пропискасининг очилиши, автотеррористларга чора ва порахўрлик “хит-паради” — ҳафта дайжести
21:33 / 12.07.2025
Расман: Тошкент пропискаси ҳақидаги қонун бекор қилинмоқда
17:53 / 12.07.2025
Тошкентда ЙПХ ходими хизмат машинасида мотоциклчи билан пойга ўйнади
17:45 / 12.07.2025