NYT: Пентагон Трампнинг самолётини қайта жиҳозлаш учун 934 млн доллар йўналтирди

Нархи 400 млн доллар атрофида бўлган Boeing 747-8 самолёти АҚШ президентига Қатар томонидан совға қилинган.

Фото: Lukas Wunderlich via Getty Images

Пентагон ядровий каллак ташувчи ракеталарни модернизация қилиш учун ажратилган 934 млн долларни АҚШ президенти Доналд Трампга Қатар томонидан совға қилинган нархи қарийб 400 млн доллар бўлган Boeing 747-8 самолётини қайта жиҳозлашга йўналтирди, деб ёзади The New York Times.

Нашрнинг ёзишича, самолётни таъмирлаш ва қайта жиҳозлаш учун ажратилган маблағнинг барчаси сарфланадими-йўқми, ҳозирча аниқ эмас, лекин АҚШ президенти маъмурияти вакили нашрга самолётни янгилаш учун маблағ ядровий қуролларни модернизация қилишга мўлжалланган бюджетдан олинишини билдирган.

Газетанинг ёзишича, Boeing самолётини президент бортига айлантириш учун бир-икки йил вақт кетади.

Аввалроқ The Washington Post газетаси Қатар совға қилган самолётни барча талаблар асосида жиҳозлаш қарийб 1,5 млрд долларга тушишини ёзганди.

11 май куни ABC News телеканали Қатар қироллик оиласи АҚШ етакчисига “учар сарой” совға қилишни режалаштиргани ҳақида хабар берганди. The Washington Post газетасининг ёзишича, лайнер бир ойдан буён Сан-Антонио (Техас штати) халқаро аэропортида турибди.

#Қатар #Boeing 747-8 #Доналд Трамп