Yaponiyalik himoyachi Atsuto Uchida 28 yoshida futbolchilik faoliyatini yakunlashga majbur bo‘lmoqda

«Shalke»ning yaponiyalik himoyachisi Atsuto Uchida jarohati tufayli 28 yoshida futbolchilik faoliyatini yakunlashi mumkin. U 2015 yilning martidan buyon tizzasidagi jarohat tufayli rasmiy o‘yinlarda ishtirok etmadi va 19 oydan keyin ham formasini tiklay olmadi. 

Kicker nashri xabariga ko‘ra, biroz oldinroq yaponiyalik futbolchi yana bir marta operatsiya qilingandi. Shifokorlarning prognozlariga ko‘ra, unga jarohati faoliyatini davom ettirishga imkon bermasligi mumkin.. 

Uchida 2010 yilda «Shalke»ga kelgan, uning bu jamoa bilan amaldagi shartnomasi 2018 yilgacha tuzilgan.

Atsuto Uchida O‘zbekiston milliy terma jamoasiga qarshi 5 ta o‘yinda ishtirok etgan futbolchi hisoblanadi.

Manba: Tribuna.uz