Yamanda ikki amerikalik ozod qilindi

Foto: newsera.ru

Yamanlik husiychilar avvalroq asirda ushlab turilgan ikki amerikalikni ozod qildilar. Bu haqda AQSh davlat departamenti vakili Mark Toner ma'lum qildi, deb xabar bermoqda TASS axborot agentligi.

"AQSh hukumati avvalroq Yamanda ushlab turilgan ikki amerikalik fuqaro ozod qilinib, Ummonga yetib kelganini qutlaydi", deb aytildi Toner bergan bayonotda. Toner ozod qilinganlar bilan endi AQShning Ummon poytaxti Masqatdagi elchixonasi shug‘ullanishini qo‘shimcha qildi.

AQSh hukumati Ummon rahbariyatiga ko‘rsatilgan ko‘mak uchun minnatdorchilik bildirdi va husiychilarning "insonparvar amalini" ijobiy baholadi. Toner Yaman hududida ushlab turilgan qolgan amerikaliklarni ham ozod qilishga chaqirdi.

Ozod qilingan amerikaliklar asirga tushib qolishlari tafsilotlari, ularning ismlari oshkor qilinmagan.

#Yaman #Ummon #amerikalik fuqaro