Tramp vaqtida ilk bor Guantanamodagi mahbus uchinchi tomonga topshiriladi  

Donald Tramp prezidentligi vaqtida Guantanamo turmasidagi mahbus ilk bor uchinchi tomonga – Saudiya Arabistoniga topshiriladi. Bu haqda Pentagon vakili, harbiy-dengiz kuchlari kapitani Sara Xiggins ma'lum qildi.

Uning aytishicha, AQSh “mahbus yaqin orada topshirilishiga” umid qilmoqda. Ahmad ad-Darbiy ismli mahbusning Saudiya Arabistoniga topshirilishining oxirgi muddati 20 fevralga belgilangandi, biroq AQSh Ar-Riyoddan mahbusning saqlanishi bo‘yicha ba'zi “kafolatlar” berilishini talab qilgani sababli bu muddatni o‘tkazib yubordi.

Ad-Darbiy 2014 yilda AQSh harbiy komissiyasi oldida fransuz tankeriga hujum qilishda aybdorligini tan olgan. U ko‘rsatmalar berishi evaziga sobiq jangarilarni “reabilitatsiya qilish” dasturi bo‘yicha Saudiya Arabistoniga jo‘natilmoqchi bo‘lgan.