Ayol kishi Grozniydagi nazorat-o‘tkazish punktida o‘zini portlatdi

Grozniyning Staropromislovsk rayonidagi nazorat-o‘tkazish punktida noma'lum ayol o‘zini portlatdi, deb ma'lum qildi Checheniston ichki ishlar vazifasini bajaruvchi politsiya generali Apti Alaudinov.

Uning so‘zlariga ko‘ra, mahalliy vaqt bilan soat 16 atrofida ayol 21-federal politsiya postiga yaqinlashgan. Uning shubhali xatti-harakatini payqagan huquqni muhofaza qilish organi xodimlari ayoldan to‘xtashini va hujjatlarini ko‘rsatishini so‘rashgan.

{Yii::t(}

O'tkazib yuborish 6s

O'tkazib yuborish

Alaudinovning ta'kidlashicha, ayol bu talabga bo‘ysunmagan va post tomon yurishda davom etgan. Huquqni muhofaza qilish organi xodimlari uning yonida qo‘lbola portlovchi qurilma borligini sezib qolishgan va havoga ogohlantiruvchi o‘q uzishgan, ayol esa o‘zini portlatgan.

Voqea oqibatida qurbonlar va yaradorlar bo‘lmagani ma'lum qilinmoqda.

Ayni vaqtda o‘zini portlatgan ayolning shaxsini aniqlash va uning ehtimoliy sheriklarini izlash choralari olib borilmoqda.